न्यु सातारा पॉलिटेक्निक कोर्टी येथे 76 वा प्रजासत्ताक दिन’ उत्साहात साजरा
स्वतंत्र भारताचा 76 वा प्रजासत्ताक दिन न्यु सातारा पॉलिटेक्निक कोर्टी येथे उत्साहात साजरा करण्यात आला. यावेळी संस्थापक अध्यक्ष मा. श्री. राजाराम ( नाना) महादेव निकम यांनी सर्व विद्यार्थी, शिक्षक व शिक्षक्केत्तर कर्मचार्यांना प्रजासत्ताक दिनाच्या हार्दिक शुभेच्छा कळविल्या. प्रथमतः उपस्थित प्रमुख पाहुण्यांच्या हस्ते ध्वजारोहण करण्यात आले तसेच झेंडागीत विद्यार्थ्यांकडून म्हणण्यात आले व सर्व उपस्थित पाहुण्यांचे संस्था व विद्यार्थ्यांच्या वतीने स्वागत करण्यात आले. कार्यक्रमासाठी प्रमुख पाहुणे म्हणून मा. श्री. रविशंकर कुलकर्णी संस्थापक अध्यक्ष वंदे मातरम जनसेवा संघटना, पंढरपूर,मा.श्री.डॉ.पुरूषोत्तम कोष्टी औयुर्वेदाचार्य व पंचकर्म तज्ञ , मा. श्री. सचिन अनुसे फौंडर रिऍलिटी सॉफ्टवेअर सर्विसेस एल.एल.पी,प्राचार्य विक्रम लोंढे, प्राचार्य डॉ. एन. एन. तंटक मा. श्री. ज्ञानेश्वर शेडगे, टी. पी. ओ. प्रा. विशाल बाड, सर्व विभाग प्रमुख, सर्व विद्यार्थी, शिक्षक व शिक्षकेत्तर कर्मचारी उपस्थित होते.
उपस्थित पाहुण्यांचा सत्कार प्राचार्य विक्रम लोंढे, प्राचार्य डॉ. एन. एन. तंटक व्यवस्थापक मा. श्री. ज्ञानेश्वर शेडगे यांच्या हस्ते करण्यात आला. कार्यक्रमाच्या सुरुवातीस प्राचार्य विक्रम लोंढे यांनी आपल्या प्रास्ताविक भाषणात महाविद्यालाच्या प्रगतीचा अहवाल सर्वांसमोर मांडत असताना जगामध्ये सर्वात जास्त तरुण पिढींची संख्या हि भारत देशात उल्लेखनीय आहे त्यामुळे भारत महासत्ता च्या दिशेने वाटचाल करत आहे असे मत व्यक्त केले व सर्व उपस्थितांना प्रजासत्ताक दिनाच्या शुभेच्छा दिल्या. त्यानंतर प्रमुख पाहुणे श्री. डॉ.कोष्टी यांनी आयुर्वेद व निरोगी जीवन जगण्यासाठी चे उपाय सांगत उपस्थितांना प्रजासत्ताक दिनाच्या शुभेच्छा दिल्या. तसेच प्रमुख पाहुणे श्री. कुलकर्णी यांनी गुरु बद्दल चे आपले विचार व्यक्त केले व उपस्थितांना प्रजासत्ताक दिनाच्या हार्दिक शुभेच्छा दिल्या. कार्यक्रमाच्या शेवटी प्रा. विशाल बाड यांनी उपस्थितांचे आभार व्यक्त करत उपस्थितांना प्रजासत्ताक दिनाच्या हार्दिक शुभेच्छा दिल्या.
कार्यक्रमाचे सूत्रसंचालन प्रा. सचिन पुरी, प्रा. बिपिन कुलकर्णी यांनी केले.
