*सर्वच नेत्यांच्या प्रयत्नामुळे मोहोळ येथील रेल्वे स्थानकावर मिळाला सिद्धेश्वर एक्सप्रेस ला पहिल्यांदाच थांबा* *(खासदार धनंजय महाडिक जिल्हाध्यक्ष उमेश दादा पाटील, प्रथम नगराध्यक्ष रमेश बारसकर, यांच्यासह विविध संघटना व पक्षाच्या पदाधिकाऱ्यांचे प्रयत्न आले कामी!)

*सर्वच नेत्यांच्या प्रयत्नामुळे मोहोळ येथील रेल्वे स्थानकावर मिळाला सिद्धेश्वर एक्सप्रेस ला पहिल्यांदाच थांबा*

*(खासदार धनंजय महाडिक जिल्हाध्यक्ष उमेश दादा पाटील, प्रथम नगराध्यक्ष रमेश बारसकर, यांच्यासह विविध संघटना व पक्षाच्या पदाधिकाऱ्यांचे प्रयत्न आले कामी!)*

*सोलापूर जिल्हा प्रतिनिधी*

रेल्वे स्थानकावर सोलापूरहून मुंबईकडे व मुंबईकडून सोलापूरकडे निघणार्‍या सिद्धेश्वर एक्सप्रेस या गाडीला थांबा मिळाला आहे.

राज्यसभेचे खासदार धनंजय महाडिक यांच्यासह इतर अनेक संघटना व पक्षाने केलेल्या मागणीला यश आले आहे. यामुळे मोहोळ शहरासह तालुक्यातील नागरिकांमधून समाधान व्यक्त केले जात आहे.

कोरोना काळापासून मोहोळ रेल्वे स्थानकावर रेल्वे थांबणे बंद झाल्या होत्या. तेव्हापासून अद्यापपर्यंत सोलापूर -पुणे पॅसेंजर वगळता रेल्वे थांबत नव्हत्या . त्यामुळे मोहोळ शहरासह तालुक्यातून पुणे मुंबईकडे जाणार्‍या प्रवाशांची गैरसोय सुरू होती. पूर्वीप्रमाणे थांबा मिळावा अशी मागणी सातत्याने मोहोळ शहर व तालुक्यातील नागरिकांमधून केली जात होती. 1 सप्टेंबर रोजी रेल्वे प्रशासनाने विविध रेल्वे स्थानकांवर नव्याने थांबणार्‍या रेल्वे गाड्यांची यादी जाहीर केली. त्यामध्ये सिद्धेश्वर एक्स्प्रेसला मोहोळ स्थानकावर थांबा मिळाला आहे.

मोहोळ शहर व तालुक्यातील विविध सामाजिक संस्था राजकीय पक्षाचे पदाधिकारी यांनी खासदार, आमदार, मंत्री तसेच रेल्वेच्या वरिष्ठ अधिकार्‍यांना निवेदने देत मोहोळच्या रेल्वे संदर्भाचा प्रश्न मांडला होता. यात आंदोलनेही झाली; मात्र थांब्याचा प्रश्न मार्गी लागेना. राज्यसभेचे खासदार धनंजय महाडिक यांनी सर्वप्रथम केंद्रीय रेल्वेमंत्री अश्विनी वैष्णव यांच्यापर्यंतही हा विषय मांडला. रेल्वेमंत्री वैष्णव यांनी यांनी आश्वासित केले होते. त्यानुसार 12115 व 12116 या सिद्धेश्वर एक्सप्रेस गाडीला मोहोळ स्थानकावर थांबा देण्यात आला आहे. रेल्वे थांब्याच्या गावांच्या यादीत मोहोळचे नाव आल्यामुळे मोहोळ शहर व परिसरातील व्यापारी तसेच सर्वसामान्य नागरिक, वकील, शासकीय कर्मचारी यांच्यामधून समाधान व्यक्त केले जात आहे.

*”या सर्वांच्या पाठपुराव्यामुळे मिळाला “सिद्धेश्वर एक्सप्रेस” ला थांबा”*

*राज्यसभेचे खासदार धनंजय महाडिक, सोलापूर जिल्हा राष्ट्रवादीचे राष्ट्रवादीचे जिल्हाध्यक्ष उमेश पाटील मोहोळचे, संतोष आण्णा पाटील प्रथम नगराध्यक्ष रमेशजी बारसकर,जिल्हा प्रवासी संघटना, मोहोळ शहरातील व्यापारी, वकील संघटना, विविध राजकीय पक्ष, संघटना, भाजपा, राष्ट्रवादी, कॉग्रेस, शिवसेना पदाधिकारी कार्यकर्ते यांनी सातत्याने या संदर्भात पाठपुरावा केला.सातत्याने मागणी, अनेक आंदोलने उपोषणे झाल्यानंतर अखेर रेल्वे प्रशासनाने तीन तारखेला पुन्हा एकदा सिद्धेश्वर एक्सप्रेसचा मोहोळ रेल्वे स्थानकावर श्री गणेशा करण्याचा मुहूर्त ठरवला*.

कोट
*पूर्वीच्या गाड्या थांबत होत्या त्या सर्व गाड्या थांबण्यासाठी मी केंद्रीय स्तरावरून अजूनही प्रयत्न करणार*
*कोरोना महामारीच्या काळामध्ये, ज्या रेल्वे मोहोळ येथील रेल्वे स्थानकावर थांबत होत्या त्या सर्व रेल्वे बंद झाल्या होत्या पण ज्याप्रमाणे सिद्धेश्वर एक्सप्रेस ला मोहोळ येथे थांबा मिळाला त्या सर्व प्रयत्नांना ज्या पद्धतीने यश आले तसेच सर्व ज्या गाड्या पूर्वी थांबत होत्या त्यासाठी केंद्रीय स्तरावरून मी स्वतः प्रयत्न करणार आहे. त्या दृष्टिकोनातून मोहोळ तालुक्यातील सर्व प्रवाशांची व व्यापाऱ्यांची मोठी गैरसोय दूर होणार आहे*.

खा धनंजय महाडिक*
केंद्रीय सदस्य रेल्वे सल्लागार समिती