न्यु सातारा कॉलेज मध्ये शिक्षक दिन साजरा
न्यु सातारा समुह मुंबई संचलित न्यु सातारा कॉलेज ऑफ इंजीनियरिंग अँड मॅनेजमेंट पॉलीटेक्निक कोर्टी येथे 5 सप्टेंबर 2024 रोजी डॉक्टर सर्वपल्ली राधाकृष्णन यांच्या जन्मदिनानिमित्त शिक्षक दिन मोठ्या उत्साहात साजरा करण्यात आला. या कार्यक्रमासाठी कॉलेजचे प्राचार्य विक्रम लोंढे सर, ऑफिस सुप्रीडंट संतोष कवठेकर सर, सर्व विभाग प्रमुख, शिक्षक व शिक्षकेतर कर्मचारी वर्ग तसेच सर्व विद्यार्थी उपस्थित होते. कार्यक्रमाच्या सुरुवातीस सरस्वती व डॉक्टर सर्वपल्ली राधाकृष्णन यांच्या प्रतिमेचे पूजन व दीप प्रज्वलन मान्यवरच हस्ते करण्यात आले. त्यानंतर उपस्थित विद्यार्थ्यांनी सर्व शिक्षक व शिक्षकेतर कर्मचाऱ्यांना पुष्पगुच्छ देऊन सन्मानित केले तसेच कॉलेजचे प्राध्यापक बाळासाहेब ननवरे सर यांनी उपस्थित सहकारी शिक्षकांना शिक्षक दिनाच्या शुभेच्छा देत आपले गुरु विषयी असलेले विचार प्रखरतेने मांडले. त्यानंतर मा प्राचार्यांनी आधुनिक युगात शिक्षकांचे कार्य कसे असावे यासाठी मार्गदर्शन केले. सदर कार्यक्रमामुळे महाविद्यालयांमध्ये आनंदाचे व उत्साहाचे वातावरण ही निर्माण झाले. या कार्यक्रमासाठी संस्थेचे संस्थापक अध्यक्ष राजाराम निकम यांनी शुभेच्छा दिल्या. संस्थेचे प्रतिनिधी ज्ञानेश्वर शेडगे यांनी मनोगत व्यक्त केले. सुत्रसंचालन सचिन पुरी सर यांनी केले.
