पंढरपूरात नेते भगिरथ भालके यांच्या वतीने उद्या भव्य दिव्य दहिहंडी उत्सव २०२४!
( दहिहंडी उत्सवात भगिरथ भालके कोणती भूमिका घेणार याकडे सर्वांचे लागले लक्ष)
छत्रपती शिवाजी महाराज चौक तरूण मंडळ व लोकनेते स्व.भारतनाना भालके फाऊंडेशन पंढरपूर मंगळवेढा यांच्या वतीने पंढरपूर मंगळवेढा तालुक्याचे नेते भगिरथ भालके यांच्या संकल्पनेतून पंढरपूर येथे भव्य दिव्य दहिहंडी उत्सव २०२४ मंगळवार दिनांक २७/०८/२०२४ रोजी होणार आहे.या कार्यक्रमासाठी सर्वांनी उपस्थित राहावे असे आवाहन भगिरथ भालके यांनी केले आहे.
लोकसभेच्या निवडणुकीनंतर आता आगामी विधानसभा निवडणुकीचे वातावरण चांगलेच तापले आहे अशातच अनेक नेते मंडळी विविध सामाजिक कार्यक्राच्या माध्यमातून जनतेपर्यंत पोहचत आहेत.
याच पार्श्वभूमीवर पंढरपूर येथे पंढरपूर मंगळवेढा तालुक्याचे नेते भगिरथ भालके यांनी भव्य दिव्य दहिहंडी उत्सव २०२४ कार्यक्रम ठेवला आहे भगिरथ भालके यांनी काही दिवसांपूर्वी राष्ट्रवादी काँग्रेसचे नेते शरद पवार यांची भेट घेतली होती यामुळे राजकीय वर्तुळात मोठी खळबळ उडाली होती त्यामुळे आता भगिरथ भालके हे भव्य दिव्य दहिहंडी उत्सव २०२४ कार्यक्रमातून “कोणाची हांडी फोडणार” आणी भालके समर्थकांना “कोणते गिफ्ट देणार” आणि भगिरथ भालके हे कोणी भूमिका घेणार याकडे सर्वांचे लक्ष लागून राहिले आहे.
