सोलापूर जिल्हा प्रतिनिधी
चळे (ता. पंढरपूर) येथे अवैध वाळू उपशावर महसूल विभागाच्या वतीने कारवाई करण्यात आली. येथील भीमा नदीच्या पात्रात पद्मावती मंदिराशेजारी होडीच्या सहाय्याने गेल्या अनेक दिवसापासून वाळू उत्खनन केले जात होते. चळे येथील तलाठी बी. ए. गोरे, कोतवाल महादेव बंडगर यांनी या परिसराची पाहणी केली असता, त्यांना चार ब्रास वाळूचा साठा दिसून आला. ही वाळू कोणी काढली याची चौकशी केली असता, त्याबाबतची तलाठी यांना माहिती मिळू शकली नाही. 20 हजार रुपये किमतीची 4 ब्रास वाळू (एमएच 13 सीयू 9014) या टीपरमधून शासकीय धान्य गोदाम पंढरपूर येथे पंचनामा करून जमा करण्यात आली आहे.
