संजय क्षीरसागर यांनी घेतली माननीय शरद पवार यांची भेट!
मोहोळची जागा निवडून आणण्यासाठी अहोरात्र मेहनत करा मी तुमच्या पाठीशी आहे
मोहोळ विधानसभेची जागा राष्ट्रवादी काँग्रेस पार्टी शरद पवार पक्ष गटाची निवडून आणण्यासाठी अहोरात्र मेहनत करा सर्वसामान्य जनतेचे प्रश्न जाणून घेऊन ते सोडण्यासाठी प्रयत्न करा मी तुमच्या प्रत्येक प्रश्नाची सोडवणूक करण्यासाठी कायम आपल्या सोबत आहे असल्याची ग्वाही राष्ट्रवादीचे अध्यक्ष खा. मा. शरद पवार यांनी दिल्याची माहिती संजय क्षीरसागर यांनी दिली.
लोकसभा निवडणुकीत मिळालेल्या यशाबद्दल अभिनंदन करण्यासाठी मोहोळ विधानसभेचे संभाव्य उमेदवार संजय क्षीरसागर यांनी राष्ट्रवादीचे खासदार शरद पवार यांची पुणे येथील मोतीबाग येथील कार्यालयात भेट घेतली यावेळी त्यांच्यासोबत मोहोळ विधानसभा मतदारसंघाचे प्रभारी सतीश पाटील हे उपस्थित होते.
या भेटीमध्ये संजय क्षीरसागर यांनी मा.शरद पवार यांना मोहोळ विधानसभा मतदारसंघातून लोकसभेला महाविकास आघाडीच्या विजयी उमेदवार खा. प्रणिती शिंदे यांना गावनिहाय मिळालेल्या मताधिक्य बाबत सविस्तर माहिती दिली.
तसेच विधानसभा निवडणुकीचे मताधिक्य कायम ठेवण्यासाठी कोणकोणते राजकीय डाव घेऊन कोणकोणती समीकरणे कशी जोडावी लागतील याबाबत सविस्तरित्या चर्चा केली आहे मोहोळ विधानसभा मतदारसंघातील तयार असलेले बुथ प्रमुख व वन प्रमुख तीस बुथची यादी निदर्शनास आणून दिले यावर खा.शरद पवारांनी समाधान व्यक्त करून पुढील पंधरा दिवसात मी स्वतः सोलापूर दौऱ्यावर येणार असल्याचे सांगून सर्वसामान्य जनतेच्या संपर्कात राहून त्यांच्या जाणून घेऊन त्या सोडवण्यासाठी प्रयत्न करा केंद्र व राज्य सरकार सर्वसामान्य जनता, शेतकरी, युवकांच्या प्रश्नाकडे डोळे झाक करून दुर्लक्ष करीत असल्याचे निदर्शनास आणून त्या विरोधात आवाज उठवा असे सांगून मोहोळ विधानसभा मतदारसंघातील प्रलंबीत विविध विकासकामे मार्गे लावण्यासाठी सदैव आमच्या सोबत असल्याची ग्वाही दिल्याचे संजय क्षीरसागर यांनी सांगितले आहे
