मंगळवेढा तालुक्यामध्ये राष्ट्रवादी काँग्रेस मा.शरदचंद पवार पक्षाच्या वतीने १२शाखांचे उद्घाटन संपन्न!
शरदचंद्र पवार राष्ट्रवादी काँग्रेस पक्षाचा पंढरपूर मंगळवेढा मतदारसंघातील उमेदवार आम्ही मोठ्या मताधिक्य निवडून आणु:-राहुल शहा(शेठजी) प्रांतिक सदस्य
(शरदचंद्र पवार साहेब पंढरपूर-मंगळवेढा साठी जो उमेदवार देणार त्याला मोठ्या मताधिक्याने निवडून आणण्याची जबाबदारी आमच्याकडे राहिल:प्रथमेश पाटील तालुका अध्यक्ष
शरदचंद्र पवार राष्ट्रवादी काँग्रेस पक्षाच्या उमेदवारास मंगळवेढा शहरातून जास्तीत जास्त मोठ्या प्रमाणात मतदान देणार: चंद्रशेखर कौंडुभैरी शहर अध्यक्ष
लोकसभा निवडणुकीत निष्ठावंत कार्यकर्त्यांच्या प्रयत्नांमुळे अपेक्षा पेक्षा चांगले पक्षाला यश मिळाले आहे. अगदी त्याचप्रमाणे आगामी विधानसभा निवडणुकीत देखील पंढरपूर मंगळवेढा या मतदारसंघाचा आमदार राष्ट्रवादी काँग्रेस शरद पवार पक्षाचा करण्यासाठी निष्ठावंत कार्यकर्त्यांनी पुन्हा एकदा चंग बांधलेला दिसतो आहे.
त्या अनुषंगाने मंगळवेढा तालुक्यात राष्ट्रवादी काँग्रेस शरदचंद्र पवार पक्षाचे जिल्हाध्यक्ष बळीराम काका साठे यांच्या उपस्थितीत देगाव,शरदनगर,घरनिकी,मारापुर,अकोला,गुंजेगाव,ममदाबाद,शेटफळ,अकोला, गणेशवाडी,शेलेवाडी आंधळगाव, लक्ष्मी दहीवडी या गावात तब्बल १२ शाखांचे उद्घाटन करण्यात आले आहे.
यावेळी बोलताना बळीराम काका साठे म्हणाले की,अबकी बार चारसौ पार चा नारा देत भाजप देशात हूकूमशाही आणू पाहत होते परंतु सुज्ञ मतदारांनी धुडकावून लावत देशात लोकशाही जिवंत ठेवली यामध्ये पक्षातील निष्ठावंत कार्यकर्त्यांची मोलाची कामगिरी बजावल्याचे त्यांनी यावेळी सांगितले.
यावेळी बोलताना तालुका अध्यक्ष प्रथमेश पाटील म्हणाले की,हा तालुका मा.शरदचंद्र पवार यांच्या विचारांवर प्रेम करणारा व त्यांच्या विचारांना मानणारा आहे. त्यामुळे भविष्यात शरदचंद्र पवार यांच्या विचारांचा आमदार या मतदारसंघात करण्यासाठी आम्ही प्रयत्नशील आहोत.
यावेळी प्रांतिक सदस्य राहुल शहा, तालुका अध्यक्ष प्रथमेश पाटील, शहराध्यक्ष जमीर इनामदार, शहराध्यक्ष चंद्रशेखर कोंडुभैरी,माणिक गुंगे, अजिंक्य बेंद्रे,मुजफर काझी, तसेच निष्ठावंत सर्व पदाधिकारी, कार्यकर्ते, समर्थक मोठ्या संख्येने उपस्थित होते.
