न्यु सातारा पॉलिटेक्निकच्या विद्यार्थ्यांची आंतरराष्ट्रीय इपिटोम कंपोनंट्स लिमिटेड अहिल्यानगर, या नामांकित कंपनीत निवड.
पंढरपूर कोर्टी येथील न्यु सातारा कॉलेज ऑफ इंजीनियरिंग अँड मॅनेजमेंट पॉलीटेक्निक मधील अंतिम वर्षातल्या एकवीस विद्यार्थ्यांची आंतरराष्ट्रीय इपिटोम कंपोनंट लिमिटेड अहिल्यानगर या नामांकित कंपनीत कॅम्पस मुलाखतीतून त्यांची निवड झाली अशी माहिती संस्थेचे प्राचार्य विक्रम लोंढे यांनी दिली. पुढे बोलताना प्राचार्य लोंढे म्हणाले की,
या कंपनीमध्ये नवीन उत्पादनांचा विकास त्यांच्या क्षेत्रातील अनुभव आणि कौशल्य असलेल्या उच्च पात्र अभियंत्यांच्या संशोधन आणि विकास पथकाद्वारे केला जातो असे सांगत निवड झालेल्या विद्यार्थ्यांचे भविष्यही एका चांगल्या प्रकारचे असणार आहे असे सांगितले.
त्याचप्रमाणे ट्रेनिंग व प्लेसमेंट ऑफिसर विशाल बाड यांनी ही कंपनी एक आंतरराष्ट्रीय दर्जाची कंपनी असून डिप्लोमा पूर्ण होण्यापूर्वीच जी काही नोकरीची संधी उपलब्ध झाली आहे त्याचा विद्यार्थ्यांनी पुरेपूर फायदा करावा व आपले भविष्य सुकर करण्याचा प्रयत्न करावा असे सांगितले.
डिप्लोमा पूर्ण होण्यापूर्वीच नोकरीची संधी उपलब्ध झाल्याने पालकांमध्ये व विद्यार्थ्यांमध्ये सुद्धा आनंदाचे वातावरण निर्माण झाले आहे. निवड झालेल्या विद्यार्थ्यांना संस्थेचे संस्थापक अध्यक्ष मा. श्री. राजाराम निकम साहेब यांच्याकडूनही शुभेच्छा देण्यात आल्या. त्याचप्रमाणे सर्व विभाग प्रमुख शिक्षक व शिक्षकेत्तर कर्मचारी यांनीही निवड झालेल्या विद्यार्थ्यांना शुभेच्छा दिल्या व मार्गदर्शन केले.
