नूतन खासदार सौ सुनेत्राताई पवार यांचा बारामती येथे प्रदेश उपाध्यक्ष किसन जाधव यांनी केला सन्मान!
(केंद्रस्तरावरील व राज्यस्तरावरील, निधी सोलापूर जिल्ह्याच्या विकासासाठी निधी उपलब्ध करून द्यावा: किसन जाधव)
राष्ट्रवादी काँग्रेस पार्टी अजित पवार गटाचे राष्ट्रीय अध्यक्ष राज्याचे कर्तव्यदक्ष उपमुख्यमंत्री अजित पवार यांच्या सुविद्यपत्नी सौ.सुनेत्रा अजित पवार यांचे नुकतेच राज्यसभेवर बिनविरोध निवड झाली यानिमित्त राष्ट्रवादी प्रदेश उपाध्यक्ष तथा जिल्हा नियोजन समितीचे सदस्य किसन जाधव, राष्ट्रवादी युवक प्रदेश सरचिटणीस चेतन नागेश गायकवाड यांनी बारामती येथील सहयोग बंगला येथे इच्छा भगवंताची परिवाराच्या वतीनं राज्यसभेच्या नवनिर्वाचित खासदार सौ.सुनेत्रा पवार यांना राष्ट्रवादी पक्षाचे घड्याळ चिन्ह, खासदार असे असणारे सोलापूरी फेटा, पुष्पगुच्छ आणि दादासाहेब आणि वहिनीसाहेब यांची प्रतिमा त्यांना देऊन त्यांचा सत्कार करण्यात आला.
यावेळी प्रदेश उपाध्यक्ष किसन जाधव यांनी सोलापूरच्या विकासासाठी यापुढील काळात विकासाच्या दृष्टीने आपले सहकार्य लाभावे. केंद्रस्तर आणि राज्यस्तरातून सोलापूरच्या विकासासाठी निधी उपलब्ध करून द्यावा. अशी विनंती देखील त्यांनी नवनिर्वाचित खासदार सुनेत्रा पवार यांच्याकडे केलं. तसेच सोलापूर शहर मध्य विधानसभा मतदारसंघ हे अजित पवार गटाच्या उमेदवारांनी लढवावी यासाठी आपण अजित दादांकडे शहर मध्य च्या संदर्भात आग्रह धरावा आणि शहर मध्य राष्ट्रवादीकडे असावा यासाठी आपण प्रयत्न करावे अशी देखील आग्रही मागणी यावेळी किसन जाधव केलं.
दरम्यान सोलापूरच्या विकासासाठी आपण नेहमी सहकार्याची भूमिका असतं नक्कीच सोलापूरच्या विकासाबाबत आपण सहकार्य करू अशी ग्वाही देखील यावेळी नवनिर्वाचित खासदार सुनेत्रा पवार यांनी किसन जाधव यांना दिली. याप्रसंगी राष्ट्रवादी शहर संघटक माणिक कांबळे, शहर संघटक ऋषी येवले, महादेव राठोड, विनायक शिवशेट्टी, शहर संघटक माऊली जरग यांच्यासह बारामती फोरमचे पदाधिकारी व सभासद आदींचे उपस्थिती होती.
