नुकतंच मुंबईसह १८ महनगरपालिका आणि जि.प. निवडणुकांचा कार्यक्रम येत्या १५ दिवसांमध्‍ये जाहीर करा, असा आदेश सर्वोच्च न्यायालयाने राज्य निवडणूक आयोगाला दिला.
राज्य निवडणूक आयोगाने राज्यातील मुंबई, मुंबई उपनगर, ठाणे, पालघर, धुळे, नंदूरबार, अकोला, वाशिम, भंडारा, गोंदिया व नागपूर वगळून 25 जिल्हा परिषद व 284 पंचायत समिती निवडणुकांसाठी प्रारूप प्रभाग रचनेचा कच्चा आराखडा सादर करण्याच्या सूचना केल्या आहेत.
सोलापूर जिल्ह्याला येत्या 7 मे 2022 रोजी प्रारूप प्रभाग रचनेचा आराखडा सादर करण्याच्या सूचना करण्यात आल्या आहेत.
राज्य निवडणूक आयोगाने काढलेल्या आदेशात
सर्वोच्च न्यायालयाच्या दि.०४/०५/२०२२ रोजीच्या निर्णयात नमूद केले आहे की, दि. ११/०३/२०२२ रोजीच्या अधिनियमातील सुधारणा अस्तित्वात येण्यापूर्वी दि.१०/०३/२०२२ रोजी असलेली प्रभाग रचनेची कार्यवाही ज्या टप्प्यावर होती तेथपासून पुढे आयोगाने कार्यवाही चालू ठेवावी. त्याअनुषंगाने जिल्हा परिषद व पंचायत समित्यांच्या प्रभाग रचनेचे कामकाज खालील नमूद कार्यवाही करण्यात येत आहे:
१) नकाशे गुगल नकाशावर सुपर इंपोज करणे २) जनगणनेची आकडेवारी लिंक करणे इत्यादी.
तरी उपरोक्त कामकाजाकरिता आपल्या कार्यालयातील प्रभाग रचनेचे कामकाज हाताळणारे एक अधिकारी व कर्मचारी यांना आवश्यक ती सर्व कागदपत्रे तसेच जनगणनेची आकडेवारी, निवडणूक विभाग/ निर्वाचक गणाची गावनिहाय आकडेवारी आणि नकाशे (सॉफ्ट कॉपीसह) सोबत जोडलेल्या तक्त्यामधील नमूद दिनांकास कार्यालयीन वेळेत आयोगाच्या कार्यालयात उपस्थित राहण्याच्या सुचना संबंधिताना द्याव्यात.
