कर्मयोगीच्या प्लेसमेंट चा चढता आलेख, बहुराष्ट्रीय कंपन्यांमध्ये अनेक विद्यार्थ्यांची निवड!
टाटा कन्सलटंसी सर्विसेस (टीसीएस), कॅपजेमिनी, डीलोईट प्रायव्हेट लिमिटेड, किमय फाईन टेक प्रायव्हेट लिमिटेड या नामांकित बहुराष्ट्रीय कंपनीने घेतलेल्या मुलाखातीमधून श्री. पांडुरंग प्रतिष्ठान संचालित कर्मयोगी अभियांत्रिकी महाविद्यालयातील चार विद्यार्थिंनींची निवड करण्यात आली आहे अशी माहिती महाविद्यालयाचे प्राचार्य डॉ. एस पी पाटील यांनी दिली.
कॅपजेमिनी या कंपनीने घेतलेल्या अंतिम निवड फेरीतून कम्प्युटर सायन्स अँड इंजीनीरिंग विभागातील किर्ति आबाचाणे, तर टाटा कन्सलटंसी सर्विसेस (टीसीएस) या कंपनीने घेतलेल्या अंतिम निवड फेरीतून स्वप्नील भुईटे या विद्यार्थ्यांची निवड करण्यात आली. त्यांना प्रत्येकी वार्षिक ३.५ लाखांचे पॅकेज मिळाले आहे. तसेच डीलोईट प्रायव्हेट लिमिटेड या कंपनीने घेतलेल्या अंतिम निवड फेरीतून मेकॅनिकल इंजीनीरिंग विभागातील विभागातील सोमनाथ भोसले यांची तर किमय फाईन टेक प्रायव्हेट या कंपनीने घेतलेल्या अंतिम निवड फेरीतून कम्प्युटर सायन्स अँड इंजीनीरिंग विभागातील रणविर कादेरे या विद्यार्थ्यांची ची निवड करण्यात आली. त्यांना प्रत्येकी वार्षिक २.५ लाखांचे पॅकेज मिळाले आहे. या सर्व कंपन्या माहिती व तंत्रज्ञान क्षेत्रातील जगातील नामवंत कंपन्या आहेत. कंपनी मध्ये आवश्यक असणार्‍या सर्व कौशयांचा अभ्यास करून विद्यार्थ्यांना दिले जाणारे प्रशिक्षण व कर्मयोगी पॅटर्नच्या दर्जेदार व उत्कृष्ट शिक्षण प्रणालीमुळे या महाविद्यालयातील विद्यार्थ्यांची जगातील नामवंत कंपनी मध्ये निवड होत आहे यामुळे विद्यार्थी व पालक वर्गामद्धे आनंदाचे वातावरण आहे॰ केवळ शैक्षणिक गुणवत्ता हेच उद्दीष्ट न मानता प्रत्येक विद्यार्थी हा भारताचा सुज्ञ व सुजाण नागरिक म्हणून घडला गेला पाहिजे या हेतूने कर्मयोगी अभियांत्रिकी महाविद्यालय नेहमीच प्रयत्नशील असते यामुळेच आज महाविद्यालयातील अनेक विद्यार्थी नामवंत कंपनी व भारतीय प्रशासकीय सेवेमध्ये आपले योगदान देत आहेत.
निवड झालेल्या सर्व विद्यार्थ्यांचे श्री पांडुरंग प्रतिष्ठान चे विश्वस्त श्री. रोहन परिचारक, महाविद्यालयाचे प्राचार्य डॉ. एस पी पाटील, कर्मयोगी पॉलिटेक्निक महाविद्यालयाचे प्राचार्य डॉ. ए बी कणसे, रजीस्ट्रार श्री. जी डी वाळके, उप प्राचार्य प्रा. जे एल मुडेगावकर, ट्रेनिंग अँड प्लेसमेंट विभागप्रमुख प्रा. डी. बी. शिवपूजे, संशोधन अधिष्ठाता डॉ. अभय उत्पात, शैक्षणिक अधिष्ठाता प्रा. आशीष जोशी, विभागप्रमुख प्रा. आर जे पांचाळ व प्रा. एस एम कुलकर्णी तसेच इतर सर्व विभागाचे विभागप्रमुख व प्राध्यापक यांनी अभिनंदन केले व विद्यार्थ्यांना पुढील वाटचालीसाठी शुभेच्छा दिल्या.
